Tamiloviam
டிசம்பர் 11 2008
தொடர்கள்
யுனிகோடில் தேடல்
சென்ற இதழ்கள்
கவிதை : எல்லைக் கதவு எதற்காக?
- சிதம்பரம் அருணாசலம்
  Printable version | URL |

 

நினைத்த போதெல்லாம் கப்பல் ஏறி
வினையை விதைக்க வருவது,
இறையாண்மைக்கு விடப்பட்ட சவால்.
இந்தியாவின் ஒற்றுமையை
இரண்டாகத் துண்டாடும் வாள்.

தீவிரவாதத்தை வளர்ப்பதற்கா
திறந்து விடப்பட்டது எல்லைக் கதவு?
இந்த நிலையால்,
மறந்து போய்விடும்,
மறுமலர்ச்சிக்கான கனவு.
பாலுக்கும் காவலாகிப்
பூனைக்கும் தோழனான துரோகத்தைத்
தெரிந்து கொள்ள முடியவில்லையா?
தெரிந்தும் தெரியாதது போல் இருக்கிறேhமா?
தெரிந்து கொள்ள விரும்பவில்லையா?

கருணை மனு சமர்ப்பிப்பதும்,
கதிகலங்க வைத்தவர்களைக்
கைவிலங்கிலிருந்து தப்ப வைப்பதும்,
துரோகிகளைப் பிடித்ததும்
தூக்கில் போடாமல்
நீதிமன்றத்தில் நிறுத்தி,
நிலுவையில் வழக்கை வைக்கும்,
பதினாறு நாள் காவல் என்கிற
புரையோடிப் போன
திருத்தப்படாத தீர்ப்பும்,
தீவிரவாதத்தைத் துணிந்து நடத்துவதற்குத்
தொகுத்துக் கொடுக்கப்பட்ட வார்ப்புகள்.
மதத்தை  மாசுபடுத்துபவர்களின்
வெறிச்செயல்களுக்கு
வழிவகுக்கும் வாய்ப்புகள்.
மதிகெட்டுப் போன எண்ணங்களின்
மடத்தனமான வழிகள்.

oooOooo
                         
 
சிதம்பரம் அருணாசலம் அவர்களின் இதர படைப்புகள்.   கவிதை பகுதியில் வந்த இதர படைப்புகள்.
PROVIDER=MICROSOFT.JET.OLEDB.4.0;DATA SOURCE=D:\Hosting\7909944\html\unicode\db\TOcomments.mdb;Persist Security Info=False;
உங்கள் கருத்து  
(You may need to disable your pop-up blocking software in order to post a comment.)
Copyright © 2001 - 2008 Tamiloviam.com (subsidary of Oviam LLC)- Authors
Best viewed with IE 4.x and above, Netscape 7.2, Firefox 0.8 and above with resolutions 800 X 600 and above.
| Disclaimer |   | Privacy |